॥ ద్వాదశజ్యోతిర్లిఙ్గస్తోత్రమ్ ॥
సౌరాష్ట్రదేశే వసుధావకాశే
జ్యోతిర్మయం చన్ద్రకలావతంసమ్ ।
భక్తిప్రదానాయ కృతావతారం
తం సోమనాథం శరణం ప్రపద్యే ॥ ౧ ॥
శ్రీశైలశ్రృఙ్గే వివిధప్రసఙ్గే శే
షాద్రిశ్రృఙ్గేఽపి సదా వసన్తమ్ ।
తమర్జునం మల్లికపూర్వమేనం న
మామి సంసారసముద్రసేతుమ్ ॥ ౨ ॥
అవన్తికాయాం విహితావతారం
ముక్తిప్రదానాయ చ సజ్జనానామ్ ।
అకాలమృత్యోః పరిరక్షణార్థం
వన్దే మహాకాలమహాసురేశమ్ ॥ ౩ ॥
కావేరికానర్మదయోః పవిత్రే
సమాగమే సజ్జనతారణాయ ।
సదైవ మాన్ధాతృపురే వసన్తమో-
ఙ్కారమీశం శివమేకమీడే ॥ ౪ ॥
పూర్వోత్తరే పారలికాభిధానే
సదాశివం తం గిరిజాసమేతమ్ ।
సురాసురారాధితపాదపద్మం
శ్రీవైద్యనాథం సతతం నమామి ॥ ౫ ॥
ఆమర్దసంజ్ఞే నగరే చ రమ్యే
విభూషితాఙ్గం వివిధైశ్చ భోగైః ।
సద్భుక్తిముక్తిప్రదమీశమేకం
శ్రీనాగనాథం శరణం ప్రపద్యే ॥ ౯ ॥
సానన్దమానన్దవనే వసన్తమానన్దకన్దం హతపాపబృన్దమ్ ।
వారాణసీనాథమనాథనాథం శ్రీవిశ్వనాథం శరణం ప్రపద్యే ॥ ౭ ॥
యో డాకినీశాకినికాసమాజే నిషేవ్యమాణం పిశితాశనైశ్చ ।
సదైవ భీమాదిపదప్రసిద్ధం తం శఙ్కరం భక్తహితం నమామి ॥ ౮ ॥
శ్రీతామ్రపర్ణీజలరాశియోగే నిబద్ధ్య సేతుం నిశి బిల్వపత్రైః ।
శ్రీరామచన్ద్రేణ సమర్చితం తం రామేశ్వరాఖ్యం సతతం నమామి ॥ ౯ ॥
సింహాద్రిపార్శ్వేఽపి తటే రమన్తం గోదావరీతీరపవిత్రదేశే ।
యద్దర్శనాత్పాతకజాతనాశః ప్రజాయతే త్ర్యమ్బకమీశమీడే ॥ ౧౦ ॥
హిమాద్రిపాశ్ర్వేపి తటే రమన్తం సమ్పూజ్యమానం సతతం మునీన్ద్రైః ।
సురాసురైర్యక్షమహోరగాద్యైః కేదారసంజ్ఞం శివమీశమీడే ॥ ౧౧ ॥
ఇలాపురే రమ్యశివాలయేఽస్మిన్సముల్లసన్తం త్రిజగద్వరేణ్యమ్ ।
వన్దే మహోదారతరస్వభావం సదాశివం తం ధిషణేశ్వరాఖ్యమ్ ॥ ౧౨ ॥
ఏతాని లిఙ్గాని సదైవ మర్త్యాః ప్రాతః పఠన్తోఽమలమానసాశ్చ ।
తే పుత్రపౌత్రైశ్చ ధనైరుదారైః సత్కీర్తిభాజః సుఖినో భవన్తి ॥ ౧౩ ॥
॥ ఇతి శ్రీమచ్ఛఙ్కరభగవతః కృతౌ ద్వాదశజ్యోతిర్లిఙ్గస్తోత్రం సమ్పూర్ణమ్ ॥