॥ తోటకాష్టకమ్ ॥ तोटकाष्टकम् ॥
వృత్తమ్ - తోటకమ్ वृत्तम् - तोटकम् లక్షణమ్ लक्षणम् - ఇహ తోటకమమ్బుధిసైః ప్రథితమ్ इह तोटकमम्बुधिसैः प्रथितम्
విదితాఖిలశాస్త్రసుధాజలధే
మహితోపనిషత్కథితార్థనిధే।
హృదయే కలయే విమలం చరణం
భవ శఙ్కరదేశిక మే శరణమ్॥౧॥
विदिताखिलशास्त्रसुधाजलधे
महितोपनिषत्कथितार्थनिधे।
हृदये कलये विमलं चरणं
भव शङ्करदेशिक मे शरणम्॥१॥
కరుణావరుణాలయ పాలయమాం
భవసాగరదుఃఖవిదూనహృదమ్।
రచయాఖిలదర్శనతత్త్వవిదం
భవ శఙ్కరదేశిక మే శరణమ్॥౨॥
करुणावरुणालय पालय मां
भवसागरदुःखविदूनहृदम्।
रचयाखिलदर्शनतत्त्वविदं
भव शङ्करदेशिक मे शरणम्॥२॥
భవతా జనతా సుహితా భవితా
నిజబోధవిచారణ చారుమతే।
కలయేశ్వరజీవవివేకవిదం
భవ శఙ్కరదేశిక మే శరణమ్॥౩॥
भवता जनता सुहिता भविता
निजबोधविचारण चारुमते।
कलयेश्वरजीवविवेकविदं
भव शङ्करदेशिक मे शरणम्॥३॥
భవ ఏవ భవానితి మే నితరాం
సమజాయత చేతసి కౌతుకితా।
మమ వారయ మోహమహాజలధిం
భవ శఙ్కరదేశిక మే శరణమ్॥౪॥
भव एव भवानिति मे नितरां
समजायत चेतसि कौतुकिता।
मम वारय मोहमहाजलधिं
भव शङ्करदेशिक मे शरणम्॥४॥
సుకృతేఽధికృతే బహుధా భవతో
భవితా సమదర్శనలాలసతా।
అతిదీనమిమం పరిపాలయ మాం
భవ శఙ్కరదేశిక మే శరణమ్॥౫॥
सुकृतेऽधिकृते बहुधा भवतो
भविता समदर्शनलालसता।
अतिदीनमिमं परिपालय मां
भव शङ्करदेशिक मे शरणम्॥५॥
జగతీమవితుం కలితాకృతయో
విచరన్తి మహామహసశ్ఛలతః।
అహిమాంశురివాత్ర విభాసి గురో
భవ శఙ్కరదేశిక మే శరణమ్॥౬॥
जगतीमवितुं कलिताकृतयो
विचरन्ति महामहसश्छलतः।
अहिमांशुरिवात्र विभासि गुरो
भव शङ्करदेशिक मे शरणम्॥६॥
గురుపుఙ్గవ పుఙ్గవకేతన తే
సమతామయతాం నహి కోఽపి సుధీః।
శరణాగతవత్సల తత్త్వనిధే
భవ శఙ్కరదేశిక మే శరణమ్॥౭॥
गुरुपुङ्गव पुङ्गवकेतन ते
समतामयतां नहि कोऽपि सुधीः।
शरणागतवत्सल तत्त्वनिधे
भव शङ्करदेशिक मे शरणम्॥७॥
విదితా న మయా విశదైకకలా
న చ కిఞ్చన కాఞ్చనమస్తి గురో।
ద్రుతమేవ విధేహి కృపాం సహజాం
భవ శఙ్కరదేశిక మే శరణమ్॥౮॥
विदिता न मया विशदैककला
न च किञ्चन काञ्चनमस्ति गुरो।
द्रुतमेव विधेहि कृपां सहजां
भव शङ्करदेशिक मे शरणम्॥८॥